હજુ તો લોકોએ વૉટ્સએપથી આ એપ પર જોડાવાનું શરૂ કર્યું ત્યાં જ શરૂ થઇ મોટી પ્રોબ્લેમ

વૉટ્સએપની નવી પ્રાઈવસી પોલિસીને લઈને થયેલા વિવાદ વચ્ચે લાખો યુઝર્સે નવી મેસેજિંગ એપ સિગ્નલ પર સ્વિચ ઓન કર્યું હતું. ત્યારથી લઈને સિગ્નલ અને વ્હોટ્સએપ બંનેમાંથી કઈ એપ સારી તે પ્રકારની ઘણી ચર્ચાઓ સોશિયલ મીડિયાના વિવિધ પ્લેટફોર્મ ઉપર ચાલુ થઈ ગઈ હતી, જો કે શુક્રવારે સિગ્નલ એપનો ઉપયોગ કરવામાં યુઝર્સને મુશ્કેલીનો સામનો કરવો પડ્યો હતો.લોકોએ ટ્વીટ કર્યું હતું કે સિગ્નલ એપ આજે ડાઉન થઈ ગઈ હતી, તે જ સમયે સિગ્નલ એપ દ્વારા પણ આની પુષ્ટિ કરવામાં આવી હતી.

સિગ્નલ એપ થઈ ગઈ હતી ડાઉન 

વ્હોટ્સએપથી લોકો થઈ રહ્યા છે માઈગ્રેટ 

સિગ્નલ એપએ પણ સ્વીકારી સમસ્યા 

સિગ્નલ એપ તરફથી કહેવાયું છે કે તેઓને અમુક ટેકનિકલ સમસ્યાઓનો સામનો કરવો પડી રહ્યો હતો અને તેઓ તેને ઠીક કરવા માટે કામ કરી રહ્યા છે. એક ટ્વીટમાં કંપનીએ લખ્યું છે કે, "સિગ્નલ તકનીકી સમસ્યાઓનો અનુભવ કરી રહી છે. વહેલી તકે સેવાને પુન: સ્થાપિત કરવા માટે અમે સખત મહેનત કરી રહ્યા છીએ."

ફેસબુકની માલિકી હેઠળની વોટ્સએપએ તેની નવી પ્રાઈવસી પોલિસી અંગે પહેલીવાર તેના યુઝર્સને સૂચનાઓ મોકલી હતી, પરંતુ આ નવી નીતિ તેમના યુઝર્સ માટે એક મોટી સમસ્યા બની ગઈ છે. વોટ્સએપની આ પોલિસી પરેશાન, યુઝર્સે બીજી મેસેજિંગ એપ્લિકેશનમાં વિકલ્પ શોધવાનું નક્કી કર્યું હતું જે દરમિયાન સિગ્નલ નામની એપના ડાઉનલોડ્સમાં અચાનક જ ખૂબ જ વધારો થઈ ગયો હતો. 

નવી પોલિસીને લઈને લોકો થયા સ્વિચડ 

નવી પોલિસી જાહેર થયાના માત્ર સાત દિવસમાં ભારતમાં વોટ્સએપ ડાઉનલોડ્સમાં 35% નો ઘટાડો થયો છે. આ સિવાય 40 લાખથી વધુ યુઝર્સે સિગ્નલ અને ટેલિગ્રામ એપ્લિકેશન ડાઉનલોડ કરી છે, જેમાં સિગ્નલના 24 લાખ ડાઉનલોડ અને 16 લાખ ટેલિગ્રામનો સમાવેશ થાય છે. વોટ્સએપને સતત સફાઇ આપ્યા પછી પણ, વપરાશકર્તાઓ ઝડપથી અન્ય એપ્લિકેશનો પર માઈગ્રેટ થઈ રહ્યા છે હવે ભારતના ઘણા ટોચના ઉદ્યોગપતિઓ પણ વોટ્સએપ છોડીને સિગ્નલ એપ તરફ વળી રહ્યા છે.

ટેસ્લા સીઈઓ સિગ્નલમાં જોડાવા અપીલ કરે છે

વોટ્સએપની નવી પોલિસીની જાહેરાત થઈ ત્યારથી, યુઝર્સે સિગ્નલ અને ટેલિગ્રામ જેવા અન્ય મેસેંજર એપ્લિકેશનો પર સ્વિચ કરવા માટે તૈયાર થઈ રહ્યા છે. આ સંદર્ભમાં, ટેસ્લાના સીઈઓ એલોન મસ્કે લોકોને સિગ્નલમાં જોડાવાની અપીલ કરી.

સિગ્નલ પ્રાઇવેટ ડેટા માટે પૂછતું નથી 

સિગ્નલે ડિસેમ્બર 2020 માં તેના લેટેસ્ટ અપડેટ સાથે ગ્રુપ કોલ શરૂ કર્યો અને ડિલિવરી એન્ક્રિપ્ટ કરી. સિગ્નલ ફક્ત તમારા ફોન નંબરને વ્યક્તિગત ડેટા તરીકે જ સ્ટોર કરે છે અને એપ્લિકેશન તેને તમારી ઓળખ સાથે લિંક કરવાનો કોઈ પ્રયાસ કરતી નથી. જ્યારે, ટેલિગ્રામ વ્યક્તિગત માહિતી તરીકે સંપર્ક માહિતી, સંપર્કો અને યુઝર્સ ID માટે પૂછે છે